लोकवृत्त न्यूज
गडचिरोली, १ जून : आजच्या युगात साहित्यिक व रसिक गझलेच्या प्रेमात पडत आहेत. साहित्य क्षेत्रातील अनेक कवी गझलेची बाराखडी माहित नसताना गझलसदृश्य रचनेला गझल म्हणून कंटाळतात आणि टीकेचे पात्र होतात. काहींना गझल म्हणजे काय? हे जाणून घेण्याची उत्सुता असते. पण गझलगुरू दुर्मीळ असल्याने ते शक्य होत नाही. या बाबींची दखल घेऊन झाडीबोली साहित्य मंडळ जिल्हा शाखा गडचिरोलीतर्फे गझल कार्यशाळा आयोजित करण्यात आली आहे.
११ जूनला सकाळी ११ वाजता गोकुळनगर येथील शिवाजी महाविद्यालयात ही गझल कार्यशाळा आयोजित केलेली आहे. या कार्यशाळेला झाडीपट्टीतील प्रसिद्ध गझलकार दिलीप पाटील, प्रशांत भंडारे मार्गदर्शन करणार आहेत. तसेच या कार्यशाळेच्या अध्यक्षस्थानी गझलकार मिलिंद उमरे उपस्थित राहणार आहेत. या कार्यशाळेत गझलेची बाराखडी (तंत्र,मंत्र)याबाबत सविस्तर माहिती, देण्यात येणार आहे. इच्छुक कवी, जिज्ञासूंनी या संधीचा अवश्य लाभ घ्यावा, असे आवाहन झाडीबोली मंडळाचे पदाधिकारी प्रा. विनायक धानोरकर, डॉ. प्रवीण किलनाके, जितेंद्र रायपुरे,पुरुषोत्तम ठाकरे, प्रतीक्षा कोडापे आदीनी केले आहे. अधिक माहितीसाठी ९४२३६४६७४३ या मोबाईल क्रमांकावर संपर्क साधावा, असे आवाहन आयोजकांनी केले आहे.
