लोकवृत्त न्यूज lokvruttnews
गडचिरोली 20 जानेवारी :- नगरपरिषद गडचिरोली अंतर्गत घेण्यात आलेल्या शालेय बालकला व क्रीडा संमेलन महोत्सवात डॉक्टर बाबासाहेब आंबेडकर नगर परिषद उच्च प्राथमिक शाळा संकुल गडचिरोली शाळेतील विद्यार्थ्यांनी सर्व खेळात अव्वल स्थान घेऊन चॅम्पियन प्राप्त केली.
या क्रीडा स्पर्धेत नगरपरिषद केंद्रातील दहा शाळांनी सहभाग घेतला यात उच्च प्राथमिक गटात मुलांचा खो खो प्रथम क्रमांक, मुलांची कबड्डी प्रथम क्रमांक, मुले रीले प्रथम क्रमांक, मुली रिले प्रथम क्रमांक, प्राथमिक गटात मुली खो-खो प्रथम क्रमांक ,मुली रिले प्रथम क्रमांक, मुले खो खो द्वितीय क्रमांक ,सांस्कृतिक कार्यक्रम प्राथमिक विभाग प्रथम क्रमांक, उच्च प्राथमिक विभाग, द्वितीय क्रमांक बॅडमिंटन प्रथम क्रमांक, चेस प्रथम क्रमांक, कॅरम प्रथम क्रमांक ,अशा सांघिक व वैयक्तिक खेळात अव्वल स्थान घेऊन शैक्षणिक सत्र 2023 24 ची उच्च प्राथमिक गटाचीचॅम्पियनशिल्ड प्राप्त केली.
नगरपरिषद गडचिरोलीचे मुख्याधिकारी माननीय सूर्यकांत पिदुरकर,उपमुख्य अधिकारी माननीय रवींद्र भंडारवार , केंद्रप्रमुख सुधीर गोहने यांच्या नेतृत्वात दिनांक 17 18 19 जानेवारी पर्यंत क्रीडा संमेलन पार पडले.
विद्यार्थ्यांच्या या यशाबद्दल शाळेच्या मुख्याध्यापिका श्रीमती मंगला रामटेके, शाळा व्यवस्थापन समिती अध्यक्ष संदीप वराडे, उपाध्यक्ष वैशाली पिंपळ शेंडे ,सदस्य खलिप घुटके, शिक्षिका रेखा बोभाटे ,कविता खोबरागडे ,सध्याचिलमवार ,सुजाता शेंडे ,वंदना गेडाम ,अनिल खेकारे, संदीप मेश्राम ,ओम पुराम ,पूजा गायमुखे, नलिना कस्तुरे ,तसेच सर्व विद्यार्थी व पालकांनी कौतुक केले आहे.
