१५ ऑगस्ट च्या तिरंगा बाईक रॅलीत मोठ्या संख्येने सहभागी व्हा :- आमदार डॉ. देवराव होळी यांचे आवाहन
लोकवृत्त न्यूज
गडचिरोली दि. १४ ऑगस्ट २०२४ :- हर घर तिरंगा अभियानांतर्गत संपूर्ण देशभरामध्ये तिरंगा महोत्सव सुरू असून त्याच प्रेरणेने गडचिरोली शहरात तिरंगा बाईक रॅलीचे आयोजन करण्यात आले आहे. ही तिरंगा रॅली आमदार डॉ. देवराव होळी यांच्या जनसंपर्क कार्यालयातून सकाळी १०:३० वाजता सुरू करण्यात येणार आहे. या रॅलीला तिरंगा प्रेमी बंधू-भगिनींनी मोठ्या संख्येने उपस्थित राहावे असे आवाहन आमदार डॉ. देवराव होळी यांनी केले आहे.
रॅलीचा मार्ग :- रॅली एकत्रीकरण व शुभारंभ आमदार डॉ. देवराव होळी यांचे जनसंपर्क कार्यालय गडचिरोली -इंदिरा गांधी चौक यू टर्न- धानोरा रोड- शिवाजी महाविद्यालय_ संघ कार्यालय -रेड्डी गोडाऊन- चामोर्शी रोड- सायन्स कॉलेज गोकुळनगर बायपास रोड -आयटीआय चौक -कारगिल चौक -इंदिरा गांधी चौक त्यानंतर आमदार जनसंपर्क कार्यालयात रॅलीचा समारोप करण्यात येणार आहे.
