जिल्हा परिषद उच्च प्राथमिक शाळा पाथरगोटा येथे शिक्षक दिन साजरा
लोकवृत्त न्यूज
आरमोरी दि.६ : तालुक्यातील जिल्हा परिषद उच्च प्राथमिक शाळा पाथरगोटा येथे शिक्षक दिनानिमित्ताने डॉ.सर्वपल्ली राधाकृष्ण यांची जयंती साजरी करण्यात आली.
विद्यार्थ्यांनी शाळेतील मुख्याध्यापक, शिक्षक, शिकावू प्रशिक्षणार्थी यांचे पुष्पगुच्छ देऊन स्वागत केले. विद्यार्थी आजच्या दिवशी आमचा सत्कार असे आम्हाला वाटलेही नाही, हे सर्व दृश्य बघून खूप मन भरून आले हीच आपल्या कार्याची पावती आहे असे यावेळी शिक्षकांनी सांगितले.
सोबतच शाळेतील मुख्याध्यापक निकेश बनसोड यांनी शाळेत कार्यरत उपक्रमशील शिक्षक गोपाल मेश्राम, सुरेश उके, कु.ऐश्वर्या मडावी, शिकावू प्रशिक्षणार्थी यांना छोटीशी भेट वस्तू व पुष्पगुच्छ देऊन स्वागत केले. सोबतच शाळेतील 14 विद्यार्थ्यांनी स्वयंमशासन उपक्रमांतर्गत मध्ये सहभाग घेतला आणि दिवसभर शाळेतील धुरा पूर्ण सांभाळून संपूर्ण वर्ग अध्यापन केले.
यावेळी संपूर्ण वर्ग कश्या पद्धतीने गुंतून राहील या कडे कटाक्षाने लक्ष देत होते. कार्यक्रमाचे संचालन सांस्कृतिक मंत्री कु. भाग्यश्री दोनडकर वर्ग 7 वी हिने केले तर आभार तनाया धोंगे सांस्कृतिक उप मंत्री वर्ग 6 हिन मानले.
