गडचिरोली : जिवंत अर्भक आढळल्याने खळबळ
लोकवृत्त न्यूज
गडचिरोली दि.२२: जिल्हा मुख्यालयापासून जवळच असलेल्या खरपूंडी येथे जिवंत अर्भक आढळून आल्याने खळबळ उडाली आहे.
मिळालेल्या माहितीनुसार, खरपूंडी ते आकरटोली कडे जाणाऱ्या कच्चा व सिमेंट काँक्रेटच्या रस्त्याच्या बाजुला कचऱ्यामध्ये अज्ञात व्यक्तीने पुरुष जातीचे जिवंत अर्भक टाकुण दिले. याबाबत रस्त्याने जाणाऱ्या नागरिकाला याबाबत कळताच त्यांनी गावातील व्यक्तींना माहिती देत गडचिरोली पोलीसांना कळविले. पोलीसांनी घटनास्थळ गाठून अर्भक ताब्यात घेत महिला व बाल रूग्णालय गडचिरोली येथे दाखल करण्यात आले आहे. सदर अर्भक हे पुरुष जातीचे असुन कोणीतरी आपले पाप लपविण्यासाठी हा लाजिरवाणा प्रकार केला असून पोलीसांकडून त्यांचा शोध घेणे सुरू आहे. अदयाप बाळाला जन्म दिलेल्या मातेचा थांगपत्ता लागलेला नाही.
