– परिसर दहशतीत
लोकवृत्त न्यूज
गडचिरोली दि.२९ : जिल्ह्यात वाघांच्या संख्येत वाढ होताना दिसून येत आहे अशातच जिल्ह्यात व्याघ्र बळींचीही संख्या दिवसेंदिवस वाढत चालली. आहे. चामोर्शी तालुक्यातील कुनघाडा परिसरात वाघाचा वावर असून दोन दिवसांपूर्वी वनपरिक्षेत्र कुनघाडा रै. अंतर्गत येणाऱ्या नवतळा तुकुम जंगल परिसरात वाघाने गायीवर हल्ला करून तिला ठार केल्याची घटना नुकतीच घडली होती. सदर घटनेने परिसरातील नागरिकांमध्ये दहशतीचे वातावरण आहे.
वनविभागाने दिलेल्या माहितीनुसार बंडु सोमा कुनघाडकर हे नेहमीप्रमाणे रविवार २७ ऑक्टॉबर रोजी सकाळी 11 वाजता स्वमालकीचे गुरे चरवायास जंगलात गेले होते. दरम्यान दबा धरून बसलेल्या वाघाने गायीवर हल्ला केल्यानंतर गाय मालक व इतर सोबतचे हे घाबरून घरी परतले. घटनेची माहिती मिळताच वनपरिक्षेत्र अधिकारी मधुमती तावाडे यांच्या मार्गदर्शनाखाली कुनघाडा रै. वनपरीक्षेत्राचे वनरक्षक अलिराम टेकाम व इतर कर्मचाऱ्यांनी घटनास्थळ गाठून पंचनामा केला. मागील काही दिवसांपासून या परिसरात वाघाची दहशत पसरली असल्याने नागरिक भयभीत झाले आहेत.
