लोकवृत्त न्यूज
वडसा, 13 ऑक्टोबर : गडचिरोली जिल्ह्यात सिटी 1 वाघाला बेशुद्ध करून जेरबंद करण्यास वनविभागाला मोठा यंश आज गुरुवार १३ ऑक्टोबर रोजी वनविभागाला सिटी 1 वाघाला जेरबंद केल्याने वनविभाग व नागरिकांना मोठा दिलासा मिळणार आहे
आजपर्यंत भंडारा, चंद्रपूर गडचिरोली जिल्ह्यात सिटी 1 वाघाने धुमाकूळ माजवत कित्येकजणांचे बळी घेतला. गडचिरोली जिल्ह्यात 6, भंडारा जिल्ह्यात 4 आणि चंद्रपूर जिल्ह्यात 3 जण अशा एकूण 13 लोकांवर हल्ले करुन त्यांना ठार केले होते.
वाघाला जेरबंद करण्यास वन्यजीव विभागाने परवानगी दिली होती. वाघाला पकडण्यासाठी वन विभाग मागील काही दिवसापासून प्रयत्न करीत होत्र मात्र वाघ वनविभागाला हुलकावणी देत होता. त्याला पकडण्यासाठी शार्पशुटरची चमु दाखल झालेली होती मात्र जंगलात झुडुपे वाढलेली व भरपूर पाऊस सुरु असल्याने वाघाला पकडण्यासाठी शार्पशुटरला अडचणी येत होत्या, अखेर आज गुरुवार 13 ऑक्टोबर ला पहाटेच्या सुमारास जंगलपरिसरात वाघाला जेरबंद करण्यास वनविभागाला यश आले आहे.
