लोकवृत्त न्यूज
गडचिरोली 24 ऑक्टोबर : गडचिरोली तालुक्यातील आज 24 ऑक्टोबर रोजी नरभक्षक वाघाच्या हल्ल्यात शेतकऱ्याचा बळी गेल्याची घटना आज दुपारी 3.30 वाजताच्या सुमारास घडली. प्रभाकर तुकाराम निकुरे (52) रा. कलमटोला असे मृतकाचे नाव आहे. गडचिरोली तालुक्यातील येथील शेतकरी पुरुषोत्तम सावसागडे आज दुपारी 3:30 वाजताच्या सुमारास शेतात गेले असता नरभक्षक वाघाने त्यांच्यावर झडप घेऊन ठार केले. सदर घटनेची माहिती मिळताच गावातील काही नागरिकांनी घटनास्थळी धाव घेतली व वनविभागाला कळविले. वनविभागाच्या कर्मचाऱ्यांनी घटनास्थळ गाठून मोका चौकशी केली व मृतदेह शवविच्छेदनासाठी जिल्हा रुग्णालय गडचिरोली येथे पाठविण्यात आले.
सदर घटनेने परिसरात भीतीचे वातावरण असून. वारंवार वाघाचा प्राप्त बंदोबस्त करावा अशी मागणी करूनही वाघ हुलकावणी देत वनविभागाच्या पथकाला अपयश प्राप्त होत आहे. त्यामुळे पुन्हा किती नागरिकांचा बळी वाघ घेणार ? असा रास्त प्रश्न नागरिक विचारीत आहे.
